Texniki SEO Quraşdırılması

Texniki SEO səhifə mətnlərindən əvvəl gələn hissədir. Google saytınızı tarıya bilmirsə, eyni məzmun bir neçə ünvanda görünürsə və ya səhifələr yavaş açılırsa, yazdığınız mətn tək başına kifayət etmir. Bu işdə saytı başdan-başa tarayır, problemləri prioritet sırasına qoyur və düzəlişləri birbaşa tətbiq edirik.

Kimlər üçün uyğundur

Saytı yayımda olduğu halda axtarışlarda görünməyən, Search Console-da "tarandı, lakin indeksə əlavə edilmədi" xəbərdarlıqları yığılan, saytı yeniləmiş və köhnə ünvanlarını hələ yönləndirməmiş bizneslər. Yeni qurulan saytlarda da təməlin əvvəldən düzgün qoyulması sonradan düzəltməkdən asandır.

Necə irəliləyir

Əvvəlcə yoxlama aparılır, tapıntılar təsirinə görə sıralanır: bir saytda əvvəlcə sürət, başqa saytda yönləndirmələrin təmizlənməsi önə çıxa bilər. Sonra düzəlişlər tətbiq edilir və nəticə Search Console üzərindən izlənir. İş 5 iş günündə tamamlanır; Google-un dəyişiklikləri görməsi onun öz taranma tezliyindən asılıdır, adətən bir neçə həftə çəkir.

Birdəfəlik, yoxsa davamlı

Texniki quraşdırma birdəfəlik işdir: qurulduqdan sonra növbə məzmun və keçid tərəfinə gəlir. Mütəmadi izləmə və hesabat istəsəniz, aylıq SEO idarəçiliyi, xəritələrdə və yerli axtarışlarda görünürlük üçün lokal SEO ayrıca xidmətlər kimi davam edir.