Domen Adı və SSL Quraşdırılması

Domen adı və SSL saytın görünməyən, lakin vazkeçilməz iki hissəsidir. Səhv qurulmuş DNS qeydi saytı saatlarla əlçatmaz edə bilir; müddəti bitmiş sertifikat hər ziyarətçinin qarşısına "təhlükəsiz deyil" xəbərdarlığı çıxarır. Bu işdə quraşdırmanı əvvəldən edir, yenilənməni avtomatlaşdırır və domen adının sahibliyini sizin hesabınızda saxlayırıq.

Kimlər üçün uyğundur

Yeni domen adı alacaq, mövcud domen adını başqa provayderə köçürəcək və ya sertifikatı daim problem yaradan bizneslər. Saytı bir yerdə, e-poçtu başqa yerdə olan və hansı qeydin hara aid olduğunu artıq bilməyənlər üçün də uyğundur.

Sahiblik niyə sizdə qalmalıdır

Domen adı agentliyin hesabında qeydiyyatdadırsa, yollar ayrıldıqda saytı köçürmək həmin hesabın icazəsindən asılı olur; bu, sahədə ən çox rast gəlinən mübahisələrdən biridir. Quraşdırmanı biz edirik, qeydiyyat sizin adınıza qalır və giriş məlumatları sizdə olur.

DNS dəyişikliyi nə qədər çəkir

Qeydlərin özü dərhal təyin edilir, lakin internet üzrə yayılması 24 saata qədər çəkə bilər; bu gecikmə bizdən deyil, DNS-in iş prinsipindən irəli gəlir. Domen adı transferlərində əlavə olaraq qeydiyyat təşkilatının öz gözləmə müddəti işə düşür.

Yanındakı işlər

Domen adınızda korporativ e-poçt da açmaq istəsəniz korporativ e-poçtun qurulması, saytınız başqa serverdədirsə veb saytın köçürülməsi ayrıca xidmətlər kimi təqdim olunur.