Veb Saytın Köçürülməsi

Köçürmə işinin çətin tərəfi faylları köçürmək deyil, keçidi ziyarətçi fərq etmədən etməkdir. Saytı yeni serverdə qurub test edirik; hər şey işlək vəziyyətdə olarkən DNS-i yönləndiririk. Keçid müddətində hər iki surət də işlək qaldığı üçün heç kim bağlı səhifə ilə qarşılaşmır. Sonra keçidləri və yönləndirmələri tarayır, əskik qalan nəsə olub-olmadığını yoxlayırıq.

Nə vaxt lazımdır

Server yavaşladıqda, hostinq şirkəti dəstək vermədikdə, xərc gözlənilmədən artdıqda və ya saytı başqasından təhvil aldıqda. Domen adını əvvəlki sahibindən satın almısınızsa, köhnə quraşdırmadan qalan qeydlərin də təmizlənməsi lazımdır.

Köçürmədə ən çox gözdən qaçan şeylər

Şəkil və fayl keçidlərinin köhnə serverin ünvanı ilə daxil edilmiş qalması, planlaşdırılmış tapşırıqların yeni serverdə təyin edilməməsi, e-poçt qeydlərinin sayt qeydləri ilə birlikdə dəyişdirilib poçtun kəsilməsi. Köçürmədən sonra keçid və 404 taraması məhz bunları aşkarlamaq üçün edilir.

Axtarış sıralamasına təsiri

Domen adı dəyişmirsə və ünvan quruluşu qorunursa, köçürmənin sıralamaya daimi təsiri olmur. Risk saytın keçid zamanı uzun müddət əlçatmaz qalmasında və ya ünvanların səssizcə dəyişməsindədir. Hər ikisinin qarşısını almaq köçürmənin əsas işidir; ünvan dəyişikliyi lazımdırsa, köhnə ünvanlar 301 ilə yenisinə bağlanır.

Köhnə server nə vaxt bağlanır

Hər şeyin yeni serverdə yerləşdiyinə əmin olunmadan bağlanmır. Bağlamadan əvvəlki yoxlama siyahısını sizə veririk; ehtiyat nüsxələri bir müddət də saxlamağınız həmin siyahıda yer alır.